Х.Досмұхамедов атындағы Атырау мемлекеттік университетіндегі семинар

2019ж. 15-16 мамырда Х.Досмұхамедов атындағы Атырау мемлекеттік университетінің базасында «Қазақстанда университеттік автономияға көшу» (TRUNAK) жобасын жүзеге асыру аясындағы автономияның базалық моделін құруға арналған семинар өткізілді. Семинардың бірінші күнгі бағдарламасы Словения, Польша, Швециядағы семинарларда талқыланған 2. Development жұмыс пакетінің нәтижелеріне, автономияның 4 типі бойынша кеңею ұсыныстарына және Еуропалық серіктестердің университеттерінде автономияны енгізу механизмдерін ұсынуға арналды. Екінші күні қазақстандық серіктестер Денсаулық сақтау министрлігімен, еуропалық серіктестермен және Еуропалық университеттер қауымдастығымен бірлесе отырып университеттік автономияның базалық моделін құрудың негізгі қағидаларын құрастырып, Қазақстанда автономия моделін енгізу мақсатындағы сынамалы ұйымды таңдау мәселесі мен алдағы қадамдарды талқылады.

«Қазақстан Республикасындағы университеттерінің автономия моделіне» дөңгелек үстелі

2019 ж. 25 сәуірде Марат Оспанов атындағы БҚМУ «Үздіксіз медициналық білім беруді интернационализациялау. Болашаққа бағдар» III Халықаралық ғылыми-білім беру конференциясы аясында «Қазақстан Республикасындағы жоғары оқу орындарының автономия моделіне» атты дөңгелек үстелі өтті.
Шара шетелдік сарапшылар мен Қазақстанда медициналық білім берудің көшбасшыларының қатысуымен ұйымдастырылды.
Диалог алаңында ҚР-ғы және шетелдегі университеттің дербестік мәселелері талқыланды.
Дөңгелек үстелдің спикерлері Химиялық технология және металлургия университетінің доценті Андриана Сурлева (Болгария), Болгарияның Пловдив медициналық университетінің профессоры Мариана Мурджева, БҚМУ провосты Марчин Ручинский және клиникалық және ғылыми жұмыс жөніндегі проректоры Г.А. Смагулова сөйледі. Сонымен қатар дөңгелек үстелге Мхитара Гераци атындағы Ереван мемлекеттік медицина университетінің, Литва денсаулық ғылымдары университеті, Пловдив медициналық университеті, сондай-ақ Қазақстан аймақтарының жоғары медициналық білім беру ұйымдарының өкілдері қатысты.
Қатысушылар университет автономиясының барлық түрлері: ұйымдық, кадрлық, академиялық және қаржылық мәселелерді талқылады. Шетелдік әріптестердің жоғары оқу орындарының тәжірибесі дөңгелек үстелдің барлық қатысушыларының қызығушылығын тудырды.
Дөңгелек үстел Erasmus+ «TRUNAK – Қазақстандағы университеттердің автономиясына көшу» жобасының ағымдағы нәтижелерін таратуға ықпал етті.

М.Қозыбаев атындағы Солтүстік Қазақстан университеті мен Қарағанды ​​медицина университетінің жауапты өкілдерімен ұсыныстардың нәтижелерін талқылау үшін жұмыс бабында кездесу өтті

04.05. 2019-06.04.2019ж. аралығында «Қарағанды ​​Медициналық Университеті» КеАҚ негізінде «Қазақстанда университеттік автономияға көшу/TRUNAK» Erasmus + жобасын  жүзеге асыру шеңберінде еуропалық жоо-лардың базасында өткізілген семинарлардың барысында әзірленген ұсыныстардың  нәтижелерін талқылау үшін және  М.Қозыбаев атындағы Солтүстік Қазақстан университеті мен Қарағанды ​​медицина университетінің WP 2. Development жұмыс пакетін жүзеге асыруға жауапты өкілдерімен есеп құру үшін жұмыс бабында кездесу өтті.

Польша, Люблин техникалық университетінде ЖОО-лардың автономиясын кеңейту бойынша өткізілген үшінші семинар

04.03.19 – 08.03.19 аралығында Польша, Люблин техникалық университетінде «Қазақстанда университеттік автономияға көшу» (TRUNAK) жобасын жүзеге асыру шеңберінде серіктес мемлекеттердің жоо-лары қатысуымен университеттік автономия моделін құру мәселесі бойынша үшінші семинар өтті. Бірінші семинар 4.02.19-08.02.19ж. аралығында Швеция, Лунд университетінің базасында, екінші семинар 25.02.19-01.03.19 аралығында Словения, Любляна университетінің базасында өткізілді. Аталған семинарлар 2.1 Университеттік автономия бойынша дискуссиялық топтар атты Жұмыс пакетін жүзеге асыру аясында өткізілді.

Семинардың модераторлары Қарағанды медицина университетінің стратегиялық даму, ғылым және халықаралық ынтымақтастық жөніндегі проректоры А.А.Тұрмұхамбетова және мұсылмандық өркениетті зерттеу бойынша Ага Хан-Институтының (Ұлыбритания) докторы Дэвид Тейлор болды.

Семинар екі бөліктен тұрды: бірінші күннің жартысында Еуропалық мемлекеттерден келген серіктестер Еуропалық университеттеріндегі автономияның тұжырымдамалары мен қағидаларымен таныстырды, күннің екінші жартысында шетелдік сарапшылардың басқаруымен кіші топтарда жұмыс өткізілді.

Семинардың соңғы күні жұмыс топтары реформалалау үдерісі және Қазақстанның нормативтік – құқықтық актілеріне өзгерістер енгізу бойынша өзінің ұсыныстарын таныстырды. Қазақстан университеттерінің академиялық, ұйымдастырушылық, кадрлық және қаржылық автономиясы бойынша ұсыныстары автономияның базалық  моделін құру мақсатында 15.05.2019-17.05.2019ж. аралығында Х.Досмұхамедов атындағы Атырау мемлекеттік университетінде өтетін семинардағы жұмыс топтарында талқыланады.

Словения, Любляна Университетіндегі автономия бойынша екінші семинар

25.02.19 – 01.03.19 аралығында Словения, Любляна университетінде «Қазақстанда университеттік автономияға көшу» (TRUNAK) жобасын жүзеге асыру шеңберінде университеттік автономия моделін құру мәселесі бойынша екінші семинар өтті. Бірінші семинар 4.02.19-08.02.19ж. аралығында Швеция, Лунд университетінің базасында өткізілді.

Семинарға Қарағанды медицина университеті, Еуропалық университеттер ассоциациясының өкілдері, Лунд университеті, Любляна университеті, мұсылмандық өркениетті зерттеу бойынша Ага Хан-Институты, Любляна техникалық институты, Савония қолданбалы ғылымдар университеті,  дель Сакро Куоре Католикалық университеті, «Астана медицина университеті», М.Оспанов атындағы Батыс-Қазақстандық мемлекеттік медицина университеті, М.Козыбаев атындағы Солтүстік-Қазақстан мемлекеттік университеті, Х.Досмухамедов атындағы Атырау мемлекеттік университеті,  Қазтұтынуодағы Қарағанды экономикалық университетінің өкілдері қатысты. Семинарға ҚР Білім және ғылым министрлігінің және ҚР Денсаулық сақтау министрлігінің өкілдері қатысты. Семинардың модераторы Қарағанды медициналық университетінің ректоры, профессор Р.С.Досмағамбетова болды.

Семинар, Лунд университетінде өткен семинар сияқты екі бөлікке бөлінді: бірінші күннің жартысында Еуропалық серіктестер Еуропалық университеттеріндегі автономияның тұжырымдамалары мен қағидаларын таныстырды, күннің екінші жартысында шетелдік сарапшылардың басқаруымен кіші топтарда жұмыс өткізілді.

Семинардың соңғы күні жұмыс топтары реформалалау үдерісі және Қазақстанның нормативтік – құқықтық актілеріне өзгерістер енгізу бойынша өзінің ұсыныстарын таныстырды. Қазақстан университеттерінің академиялық, ұйымдастырушылық, кадрлық және қаржылық автономиясы бойынша құрастырылған модельдері келесі жұмыс топтарына 04.03.2019-08.03.2019ж. аралығында Польша, Любляна технологиялық университетінде өтетін семинарда әрі қарай талқылануға тапсырылды.

Workshop on autonomy on project “Transition to University Autonomy in Kazakhstan” (TRUNAK) was held from 04 to 8 February 2019 at Lund University, Sweden

The Lund University hosted a seminar on the creation of the model of university autonomy from 04 to 8 February 2019 in the framework of the project “Transition to University Autonomy in Kazakhstan” (TRUNAK).

In seminar participated representatives of the European University Association, Lund University, University of Ljubljana, Aga Khan University (International) in the United Kingdom, Lublin University of Technology, Savonia University of Applied Sciences, Universita Cattolica del Sacro Cuore, Astana Medical University; West Kazakhstan Marat Ospanov State Medical University; M. Kozybayev North Kazakhstan State University; Atyrau State University and Karaganda Economic University of Kazpotrebsoyuz.

During the seminar, European University Association presented state of play of university governance and recommendations for the reform process. European partners shared experiences on autonomy development. At the end of the seminar, working groups presented a preliminary model for university autonomy.

In addition, in the framework of the seminar, the partners discussed further activities of the current stage of the project.

 

«Қазақстандағы университеттік автономияға көшу: сын-қатерлер мен перспективалар» жаһандық халықаралық конференциясы

2018 жылдың 20-21 қараша күндері Қарағанды мемлекеттік медицина университеті базасында мақсаты институционалдық автономияның түрлі аспектілерін талқылау болып табылатын «Қазақстандағы университеттік автономияға көшу: сын-қатерлер мен перспективалар» атты жаһандық халықаралық конференциясы өткізілді.

Конференцияны ұйымдастырушылар ҚР Денсаулық сақтау министрлігі мен ҚР Білім және Ғылым министрлігінің қолдауымен Қарағанды мемлекеттік медицина университеті мен Қазақстандағы Эразмус+ ұлттық офисі болып табылады.

Конференцияның жұмыс барысына Бельгия, Швеция, Ұлыбритания, Италия, Финляндия, Франция, Словения, Литва және Ресейден келген білім беру саласындағы халықаралық сарапшылар, ҚР Денсаулық сақтау министрлігінің, ҚР Білім және Ғылым министрлігінің, Қазақстандағы Эразмус+ ұлттық офисінің өкілдері, Қазақстандағы жоғары білімді реформалау бойынша эксперттер Ұлттық тобының мүшелері, білім беру ұйымдарының жетекшілері, сонымен қатар, кадрлық және қаржы қызметінің, академиялық жұмыстың мамандары, ғалымдар, оқытушылар және университеттің білім алушылары қатарынан 500-ден астам адам қатысты.

Конференция барысында ЖОО-лардың автономиялары мүмкіндіктерін кеңейтудің ең маңызды мәселелері талқыланды: ұйымдастыру-басқару автономиясы, қаржы автономиясы, ЖОО-ның кадрлық саясаты, ЖОО-ның академиялық автономиядағы өкілеттігі, білім беру үдерісін ұйымдастыру принциптері, жоғары білім беру саласындағы мемлекеттің білім беру саясаты.

Пленарлық отырыста Университеттердің Еуропалық қауымдастығының басқару, қаржы және мемлекеттік саясаттың дамуы мәселелері жөніндегі директоры Томас Эстерманның және орынбасары Энора Прувоттың Қазақстандағы университеттік автономияны жүзеге асырудың дүниежүзілік тәжірибесі мен қазіргі жағдайының талдауы көрсетілген баяндамалары ұсынылды. М.Қозыбаев атындағы Солтүстік Қазақстан мемлекеттік университетінің ректоры С.М.Өмірбаев өзінің баяндамасында Қазақстандағы институционалдық автономияны енгізу реформасының барысы жөнінде талқылады.

“Қазақстандағы университеттік автономияға көшу/TRUNАK” Жоғары білім беру әлеуетін арттыру Эразмус+ жобасы бойынша серіктес шетелдік жоғары оқу орындары автономияның төрт түрі бойынша мастер-кластар өткізілді: кадрлық, ұйымдастырушылық, академиялық және қаржылық. Мастер-кластар барысында білім беру ұйымдарын басқарудың еуропалық тәжірибесі және аталған тәжірибені жүзеге асыруға арналған қазақстандық мүмкіндіктер талқыланды.

Концеренцияның қорытындысында панельдік дискуссия өткізілді, онда еуропалық және қазақстандық университеттер министрліктермен консолидациясында жоғары білім берудегі реформалардың барысы туралы пікірлерімен алмасып, Қазақстандағы университеттік автономияны кеңейту үдерісін әрі қарай жетілдіру бойынша ұсыныстар шығарды.

«Қазақстандағы университеттік автономияға көшу» (TRUNAK) жоба мүшелерінің кездесуі 2018 жылдың 19 қарашасы Қарағанды қ. Қазақстан

2018 жылдың 19 қарашасында Қарағанды мемлекеттік медицина университетінде Erasmus+ жобасының шеңберіндегі «Қазақстандағы университеттік автономияға көшу» (TRUNAK) жоба мүшелерінің кездесуі өтті. Жиынға Еуропалық университеттер ассоциациясының өкілдері, Лунд университеті, Любляна университеті, мұсылмандық өркениетті зерттеу бойынша Ага Хан-Институты, Любляна техникалық институты, Савония қолданбалы ғылымдар университеті,  дель Сакро Куоре Католикалық университеті, «Астана медицина университеті» АҚ, М.Оспанов атындағы Батыс-Қазақстандық мемлекеттік медицина университеті, М.Козыбаев атындағы Солтүстік-Қазақстан мемлекеттік университеті, Х.Досмухамедов атындағы Атырау мемлекеттік университеті,  Қазтұтынуодағы Қарағанды экономикалық университеті, сонымен қатар, медициналық жастардың Қазақстандық ұйымының (KazMSA) өкілдері қатысты. Кездесу барысында қазіргі уақытта алынған нәтижелер талқыланды: жобаны басқару үшін құрылған деректер қорының жүйесі, университеттік автономияны зерттеу методологиясы бойынша оқыту семинары, Қазақстандағы университеттердің автономиясы бойынша сауалнаманың алғашқы нәтижелері, қазақстандық серіктестердің құрал-жабдықтарды алуы, сапаны қамтамасыз ету бойынша жоспар, автономия бойынша конференцияға дайындық. Сонымен қатар, алдағы жоспарлар талқыланды: университетті басқару моделі бойынша ұсыныстар құру, дискуссиялық топ, 2019ж. Лунд университетіндегі семинар.

ҚММУ қызметкерлері  үшін ЕУА университеттік автономиясын зерттеу әдістемесі бойынша оқыту семинары  

ҚММУ қызметкерлері  үшін ЕУА университеттік автономиясын зерттеу әдістемесі бойынша оқыту семинары  

2018 жылдың 19.04 «Қазақстандағы университеттік автономияға көшу/TRUNAK» жобасының ҚММУ командасы ҚММУ құрылымдық бөлімшелерінің басшылары үшін оқыту семинарын өткізді. Сауалнама талдау жүргізуді ұйымдық, кадрлік, қаржылық және академиялық дербестік сияқты төрт өлшемде қарастырады. Осыған байланысты, семинарға экономика және қаржы Департаментінің, адам ресурстарын басқару Департаментінің, Әкімшілік-басқару құрамының және академиялық жұмыс Департаментінің қызметкерлері шақырылды. Кездесудің модераторлары жоба үйлестірушісі Хьюго Бражиони мен оқу-әдістемелік жұмысы бойынша проректор В.П. Риклефс сөз сөйледі. Семинар барысында қатысушыларға университеттік автономия сауалнамасы және сауалнаманы толтыру бойынша нұсқаулығы ұсынылды.   Семинар соңында  қатысушылар сауалнаманы толтыру кезеңдері мен барлық төрт өлшем бойынша жауаптар базасын қалыптастыру туралы келісті.

Бельгиядағы университеттер автономиясының әдістемесі бойынша семинар-тренинг

 

2018 жылдың 19-20 наурызында Еуропалық университеттер қауымдастығы TRUNAK жобасының серіктестері барлық жоба мүшелеріне оқыту семинарын өткізді. Семинарға Қазақстанның серіктес университеттерінің 15 қатысушысы және еуропалық әріптес университеттерден 5 қатысушы қатысты. Сонымен қатар академиялық емес серіктес ретінде Нулиралиева Ульмира Әуезханқызы, Қазақстан Республикасы Денсаулық сақтау министрлігінің Медициналық білім беру  департаментінің бастығы қатысты. Қонақтар ретінде семинарға Еуропалық Одақтағы EACEA агенттігінің басшысы Анн Шпангемахер және Қазақстан Республикасының Бельгия Корольдігіндегі Елшілігінің Елшісі Саулекүл Сайлауқызы семинарға қатысты.

Кездесу барысында Басқару, қаржы және қоғамдық саясатты дамыту Департаментінің Директоры Томас Истермен және Директордың орынбасары Энора Прувост автономия мәселелері бойынша 29 еуропалық университеттерде жүргізілген зерттеулер нәтижелерін ұсынды. Содан кейін қазақстандық жоғары оқу орындарында осы әдіснаманы кезең-кезеңмен қолдану ұсынылды, деректерді жинау және талдау мәселелері және осы зерттеудің күтілетін нәтижелері талқыланды. Қазақстандық серіктестер сауалнамаларды талқылауға, берілген жауаптардың ашықтығы мен айқындығына, университетте автономия жағдайын анықтау үшін жобаға қатыспайтын басқа университеттерді шақыру мүмкіндігіне белсенді қатысты. Зерттеу нәтижелері ағымдағы жылдың қараша айында Қазақстанның барлық жоғары оқу орындарының өкілдерімен кеңейтілген кездесуде талқыланатын болады.